هل من ثقة بعد خيانة؟
احجيلكم قصة صديق انا اقرب الناس اله
ويحجيلي عن كلشي يصير وياه
هذا الولد كان عنده علاقة حب ويا وحدة
وانا واثق من صدق حبه واخلاصه
واكثر من مرة راد يخطبها تكوله بس خلي نتخرج وبعدين
وكانت ثقته بيها قوية
استمرت علاقتهم 3 سنوات تقريبا
ودائما يسولفلي
يكلي هاي السنة (الثالثة) حيل مامهتمة بية
هو بمحافظة وهية بمحافظة بسبب الدراسة
وتواصلهم بالنت والموبايل
يكول ادزلها مسجات تتاخر بالرد
مرات اخابر ماترد
بحجة انه صامت ونايمة وتعبانة من الدرس..!
كنت اكوله اصبر عليها واتحمل دراستها صعبة
لازم تعذرها وتنطيها مجال تدرس
فا تبين انو حتى بالعطلة نفس الشي !
اني شكيت اكو احد ثاني غيره
كتله خليها علية اني اجيبلك النتيجة
ومن خلال طريقة معينة
كدرت اسجل كل كلام الي تحجيه بالماسنجر من الموبايل
وكانت النتيجة انه عدها 5 غيره تحاجيهم بالنت !
وواحد منهم لمن شاف صديقي كلامهم (القوي)
راد يغمى عليه الى شوية بحيث مكدر يمشي
اي نعم خانته ويا 5 مو واحد!!
وهو بعد الصدمة بكم يوم
وبعد ما تاكدنا انه الي كان مجرد نت فقط
وهي تحلف بانه كانت بس تضحك عليهم!!
بس نوع الكلام ما ممكن ان ينحجي لا بضحك ولا شقة!!
ولو كان الكلام عادي كان المصيبة اهون!
قرر يرجع الها لان الحب الي بقلبه والـ 3 سنين
ماممكن ينتهي بهالسهولة
وهذا الشي يدل على صدق حبه واخلاصه
والي يحب بهالطريقة ماممكن ان يكون مقصر بشي
يكون دافع للخيانة من طرفها
كما انه ماناقصه شي (والكمال لله تعالى)
وهسة رجع تواصلهم بس مو مثل قبل
المطلوب من الحجي كله:
هل من الممكن ان يرجع يثق بيها ثقة عمياء؟
ولا راح تبقى عنده شكوك ؟؟
كلما تتاخر عنه او كلما يحس فد تغير
او كلما تكوله اريد ادرس!!
لان الحجي الي سجلته بدأ بعد مسج منها كالتله بيه
(باي راح ادرس)!
..
هل ستعود الثقة كما كانت.؟؟
وان لم تعود .. فهل يستمر الحب بثقة مهزوزة؟؟